Ҳамма жойда Ўзбекистон — Жанубий Корея ўйини ҳақида гапирилмоқда. ТВда ҳам, радиода ҳам... Ҳозиргина Соат Шарипов муаллифлик ва бошловчилигидаги «Ташриф» кўрсатуви ўз ниҳоясига етди.

Бугунги меҳмонлар Ўзбекистон футзал федерацияси мутасаддилари ва футбочилар бўлишди.

Бошловчи Соат ака дастур сўнгида жаҳон чемпионати ҳақида гапирар экан, қуйидаги сўзларни таъкидлаб ўтди: «Мана ҳамма мухлисларнинг кўз ўнгида яхши ният қиляпмиз. Насиб бўлса ниятларимиз ижобат бўлади. Ҳали Бразилияда Ўзбекистоннинг минглаб байроқлари ҳилпирайди. Барчамиз биргаликда Бразилияга борамиз!».

Ҳа, айтганингиз келсин, Соат ака. 2006 йил Европа жамоаларига мухлислик қилиш учун Германиядаги мундиалга борган эдингиз. Бу сафар Ўзбекистонимизни қўллаш учун Бразилияга боришингизни тилаймиз. Биз билан бирга, албатта.