Жума куни "Ан-Наср" "Ал-Хилол"ни 3:1 ҳисобида мағлуб этди. Ҳужумчи Криштиану Роналду дубль қайд этди ва фаолиятидаги 1000 та гол чегарасига яқинлашди.
"Бу менинг голларим туфайли эмас, лекин ажойиб ғалаба бўлди. "Ал-Ҳилол" дарвозасига иккита гол урганимдан хурсандман, лекин энг муҳими дербида ғалаба қозониш. Биз сафарда фантастик жамоага қарши ўйнадик, бу ҳар доим қийин. Буни қадрлашимиз ва ўз йўлимизда давом этишимиз керак. Чемпионатнинг тўққизта ўйини ва Чемпионлар лигасида бир ўйин олдинда. Ҳаммаси олдинда", - деди Роналду.
