Италия футболида А Сериянинг 31-тур учрашувлари бўлиб ўтди. Турнир жадвалида пешқадамлик қилаётган “Интер” “Парма” билан ўйинда ғалабани қўлдан бой берди. "Интер" ҳимоячиси Маттео Дармиан бундан жуда хафа.
"Иккинчи бўлимни тушунтириш қийин, жамоамиз бунга йўл қўймаслиги керак эди, айниқса, "Удинезе" билан ўйинда қўнғироқ чалинганидан кейин. Фақат ишлаш ва энг яхшисига ишониш қолади", - дея футболчининг сўзларини келтиради fcinter1908.it.
Шунга қарамай, “Интер” Италия чемпионати турнир жадвалида биринчи ўринда қолмоқда, уни Антонио Конте бошчилигидаги “Наполи” таъқиб қилмоқда.
