"Манчестер Юнайтед" бош мураббийи Рубен Аморим жамоани тез-тез танқид қиладиган Гари Невилл ҳақидаги саволга жавоб берди. Англиялик собиқ ҳимоячи 1992 йилдан 2011 йилгача "қизил иблислар" сафида ўйнаган. Ҳозирда у телевидение эксперти сифатида ишлайди.
"Мен Гари Невиллнинг танқидини тушунаман ва клуб тарихидаги энг ёмон мавсумни ўтказаётганимизни ҳам тушунаман. "Манчестер Юнайтед" ўтмишда ҳамма нарсани ютган, аммо ҳозир оғир кунларни бошдан кечирмоқда. Улар барча совринлар учун курашарди. Ҳозирги вазият бутунлай бошқача контекстга эга", - деди Аморим.
"Манчестер Юнайтед" АПЛ турнир жадвалида 13-ўринда бормоқда. Манкунианликлар 31 турдан кейин 38 очко тўплашди.
