"Байер" ҳужумкор ярим ҳимоячиси Флориан Вирц Европанинг икки топ-клуби трансфер мақсади ҳисобланади. Бу ҳақда Todofichajes портали саҳифаларида хабар берилди.
Журналистлар маълумотига кўра, 21 ёшли вингер хизматига "Манчестер Сити" ва Мюнхеннинг "Бавария" клублари қизиқиш билдирмоқда. "Шаҳарликлар" Вирц учун 120 миллион евро таклиф қилмоқда, аммо мюнхенликлар бу суммадан кўпроқ тўлашга тайёр. Немис гранди ярим ҳимоячи учун 130 млн тўлашни режалаштирмоқда.
Флорианнинг "Байер" билан 2027 йилнинг ёзигача шартномаси мавжуд. У жорий мавсум 39 та ўйинда майдонга тушиб, 15 та гол урди ва 13 та голли узатмани амалга оширди.
