"Bayer" hujumkor yarim himoyachisi Florian Virs Yevropaning ikki top-klubi transfer maqsadi hisoblanadi. Bu haqda Todofichajes portali sahifalarida xabar berildi.

Jurnalistlar ma’lumotiga ko‘ra, 21 yoshli vinger xizmatiga "Manchester Siti" va Myunxenning "Bavariya" klublari qiziqish bildirmoqda. "Shaharliklar" Virs uchun 120 million yevro taklif qilmoqda, ammo myunxenliklar bu summadan ko‘proq to‘lashga tayyor. Nemis grandi yarim himoyachi uchun 130 mln to‘lashni rejalashtirmoqda.

Florianning "Bayer" bilan 2027 yilning yozigacha shartnomasi mavjud. U joriy mavsum 39 ta o‘yinda maydonga tushib, 15 ta gol urdi va 13 ta golli uzatmani amalga oshirdi.