Жейми Гиттенс "Боруссия"дан кетмоқчи.
Sky Sport хабарига кўра, 20 ёшли вингер ёзда Дортмунд клубини тарк этмоқчи ва бу ҳақда раҳбариятга маълум қилган.
"Боруссия" футболчи бўйича муносиб таклифларни кўриб чиқишга тайёр. Қишда у 100 миллион еврога баҳоланган эди, аммо энди сўралган нарх сезиларли даражада пасайтирилиши мумкин.
Агар клуб мавсум якунларига кўра еврокубокларга чиқа олмаса, Гиттенснинг сотилиши йўқотилган даромадларни қоплашга ёрдам беради. Инглиз футболчисига "Бавария" ва АПЛ клублари қизиқиш билдирмоқда.
Жейми жорий мавсум Бундеслигада 28 та ўйинда майдонга тушиб, 8 та гол ва 3 та голли узатмага муаллифлик қилди.
