Jeymi Gittens "Borussiya"dan ketmoqchi.
Sky Sport xabariga ko‘ra, 20 yoshli vinger yozda Dortmund klubini tark etmoqchi va bu haqda rahbariyatga ma’lum qilgan.
"Borussiya" futbolchi bo‘yicha munosib takliflarni ko‘rib chiqishga tayyor. Qishda u 100 million yevroga baholangan edi, ammo endi so‘ralgan narx sezilarli darajada pasaytirilishi mumkin.
Agar klub mavsum yakunlariga ko‘ra yevrokuboklarga chiqa olmasa, Gittensning sotilishi yo‘qotilgan daromadlarni qoplashga yordam beradi. Ingliz futbolchisiga "Bavariya" va APL klublari qiziqish bildirmoqda.
Jeymi joriy mavsum Bundesligada 28 ta o‘yinda maydonga tushib, 8 ta gol va 3 ta golli uzatmaga mualliflik qildi.
