«Атлетико» келаси мавсумни режалаштиришни бошлади ва асосий вазифалардан бири — Антуан Гризманнга муносиб ўринбосар топиш ҳисобланади. Агар МЛСдан жиддий таклиф тушса, француз ҳужумчиси ёзда «Метрополитано»ни тарк этиши мумкин. Шу муносабат билан клуб офисида энг кўп муҳокама қилинётган ном — Марко Асенсио.

Ҳозирда «Астон Вилла»да ижара асосида тўп сураётган «ПСЖ» футболчиси ўзининг энг яхши спорт формасига қайтди ва жуда кучли мавсум ўтказмоқда. Унинг маҳорат даражаси, кўп функцияли салоҳияти ҳамда юқори даражадаги мусобақалардаги тажрибаси Диего Симеоне учун жозибадор вариантга айлантирмоқда. У айнан шундай — ҳал қилувчи пайтларда ўйин тақдирини ўзгартиришга қодир ҳужумчини изламоқда.

Асенсио ҳали ҳам «Пари Сен-Жермен» футболчиси ҳисобланади, аммо клуб уни алмаштириб бўлмас деб ҳисобламайди ва футболчига яқин манбаларга кўра, унинг трансфери бўйича музокараларга тайёр. Сўралган сумма тахминан 20 миллион еврони ташкил қилади. Бу «Атлетико» учун имконият даражасидаги маблағ ҳисобланади.

Қўшимча қилиб ўтамиз, ушбу мавсумда Асенсио барча мусобақаларда «Астон Вилла» сафида 11 та ўйинда 8 та гол ва 1 та голли узатма муаллифи бўлди.