"Манчестер Юнайтед" АПЛ якунланиши биланоқ Осиё турнесига йўл олади.

Инглиз клуби Куала-Лумпур ва Гонгконгда Жануби-Шарқий Осиёнинг барча юлдузлари терма жамоасига қарши ўйинлар ўтказади.

Икки ўйиндан биринчиси 28 май куни - АПЛнинг сўнгги туридан ўрин олган "Астон Вилла"га қарши ўйиндан уч кун ўтиб ўтказилиши режалаштирилган. Қайд этилишича, турдан тушадиган даромад 10 миллион евро атрофида бўлади.

"Турне катта қўшимча даромад келтиради, бу эса клубни кучлироқ қилади, бизга майдонда муваффақиятга сармоя киритишда давом этиш имконини беради.

Шунингдек, бу бизга қимматли тижорий ҳамкорлар билан ҳамкорлик қилиш, Осиё ва АҚШдаги мухлислар билан муносабатларни чуқурлаштириш учун ноёб имкониятлар яратади," - деди "МЮ" ижрочи директори Омар Беррада.

Осиё турнеси якунлангач, 2-10 июнь кунлари бўлиб ўтадиган ўйинлар олдидан баъзи футболчилар ўз терма жамоаларига қўшилишлари керак бўлади.

22 июль куни "Манчестер Юнайтед" АҚШ бўйлаб уч ўйинлик турнега чиқиш учун Чикагога йўл олади. 16 август куни Премьер-лиганинг янги мавсумига старт берилади.