"Manchester Yunayted" APL yakunlanishi bilanoq Osiyo turnesiga yo‘l oladi.
Ingliz klubi Kuala-Lumpur va Gongkongda Janubi-SHarqiy Osiyoning barcha yulduzlari terma jamoasiga qarshi o‘yinlar o‘tkazadi.
Ikki o‘yindan birinchisi 28 may kuni - APLning so‘nggi turidan o‘rin olgan "Aston Villa"ga qarshi o‘yindan uch kun o‘tib o‘tkazilishi rejalashtirilgan. Qayd etilishicha, turdan tushadigan daromad 10 million yevro atrofida bo‘ladi.
"Turne katta qo‘shimcha daromad keltiradi, bu esa klubni kuchliroq qiladi, bizga maydonda muvaffaqiyatga sarmoya kiritishda davom etish imkonini beradi.
Shuningdek, bu bizga qimmatli tijoriy hamkorlar bilan hamkorlik qilish, Osiyo va AQSHdagi muxlislar bilan munosabatlarni chuqurlashtirish uchun noyob imkoniyatlar yaratadi," - dedi "MYU" ijrochi direktori Omar Berrada.
Osiyo turnesi yakunlangach, 2-10 iyun kunlari bo‘lib o‘tadigan o‘yinlar oldidan ba’zi futbolchilar o‘z terma jamoalariga qo‘shilishlari kerak bo‘ladi.
22 iyul kuni "Manchester Yunayted" AQSH bo‘ylab uch o‘yinlik turnega chiqish uchun Chikagoga yo‘l oladi. 16 avgust kuni Premyer-liganing yangi mavsumiga start beriladi.
