"Барселона" бош мураббийи Ханси Флик "Боруссия Дортмунд"га қарши Чемпионлар лигаси 1/4 финал биринчи учрашуви олдидан матбуот анжуманида қатнашиб, немисларнинг асосий ҳимоячиси Нико Шлоттербекнинг жароҳатига жавоб қайтарди.
"Мен ҳар доим энг кучли жамоага қарши ўйнашни афзал кўраман. Мен Никони жуда яхши биламан. У ажойиб марказий ҳимоячи. Унинг ўйнай олмаслигидан чин дилдан афсусдаман. Унга омад тилайман", - дейди Флик.
Эслатиб ўтамиз, жамоалар ўртасидаги илк ўйин эртага, 9 апрель куни Барселонада бўлиб ўтади. Жавоб ўйини 15 апрелга белгиланган.
