"Ноттингем Форест" Лиссабоннинг "Спортинг" клуби ҳужумчиси Виктор Дьёкереш учун Европа грандлари билан курашни давом эттирмоқда.

Швециялик футболчи учун пойгада Лондоннинг "Арсенал" клуби фаворит ҳисобланади, унинг янги спорт директори Андреа Берта келаси ёзда келишувни амалга оширишга қатъий қарор қилган. Correio da Manha хабарига кўра, "Ноттингем" юлдуз форвардни қўлга киритишдан умидини узмаяпти. "Ўрмончилар" Дьёкереш учун баҳсда "тўпчилар" ва бошқа рақиблардан ўзиб кетиш учун барча ишни қилади. "Спортинг" билан музокараларни осонлаштириш учун клуб нафақат пул, балки ўз вингери Жота Силвани ҳам беришга тайёр.

Виктор Дьекерешнинг эҳтимолий трансфери 70-75 млн еврога баҳоланмоқда. Жота Силва Transfermarkt портали томонидан 14 млн еврога баҳоланмоқда.