"Жирона" бош мураббийи Мишель Санчес Ла Лигадаги саккиз ўйинлик ғалабасиз сериясидан сўнг босим остида қолди, аммо унинг истеъфога чиқарилиши ҳақида ҳеч қандай гап йўқ.
Diario AS хабарига кўра, 49 ёшли испанияликнинг обрўси сўзсиз. "Жирона" раҳбарияти Мишелга тўлиқ ишонади, шунинг учун унинг жамоадаги фигураси дахлсизлигича қолмоқда.
Эслатиб ўтамиз, "Жирона" 30 турда атиги 34 очко жамғарган ҳолда Ла Лига турнир жадвалида 15-ўринда бормоқда.













