"Барселона" ҳужумчиси Рафинья Чемпионлар лигасининг биринчи чорак финалида Дортмунднинг "Боруссия"си устидан қозонилган ғалаба (4:0) ҳақида фикр билдирди.
"Мен юқори савиядаги футболчилар билан ўйнайманки, бу жуда ёқимли. Биз бир-биримизни жуда яхши биламиз ва бу кўп ёрдам беради. Бу мавсумда бизда яхши статистика бор. Умид қиламанки, бу давом этади.
Ярим финалдамиз, деганимни ҳеч қачон эшитмайсиз. Олдинда жавоб ўйини бор, Дортмундда ўйнаш жуда қийин. "Барселона" яхши бошлади, лекин кейинги ҳафтада яхши ўйнаш муҳим", - деди Рафинья ўйиндан кейин.
Жавоб ўйини 15 апрель куни Германияда бўлиб ўтади.
