Европа Лигаси чорак финалининг дастлабки учрашувида "Лион" бош мураббийи Паулу Фонсека "Манчестер Юнайтед" клубига қарши бўлиб ўтадиган ўйиндан олдинги фикрлари билан ўртоқлашди.
"Футболчиларим Европа лигасида ғалаба қозонишни хоҳлаётганидан хурсандман, лекин мен ўз даражамизни эҳтиёткорлик билан баҳолашим керак. Биз ғалаба қозонишни истаймиз, лекин бизни дунёнинг энг яхши жамоаларидан бири кутиб турибди. Шунга қарамай, биз ўзимизга, ўз имкониятларимизга, футболчиларимизга ишонамиз. Биз ғалаба учун ўйнаймиз. Жамоага бўлган ишонч юқори. Менимча, жамоа тайёр" - деди Фонсека УЕФА расмий сайтига.
