"Ливерпул"нинг Осиё бўйлаб мавсумолди сафаридаги иккинчи рақиби Япониянинг "Йокогама Ф-Маринос" жамоаси бўлади.
Ўйин 30 июль куни Йокогамадаги "Ниссан" стадионида бўлиб ўтади. Мерсисайдликлар 26 июл куни Гонконгдаги янги очилган "Каи Так" стадионида "Милан"га қарши биринчи ўйинни ўтказишади.
"Қизиллар" мавсумолди сафарида илк бор Японияга ташриф буюришади. Клуб Осиёга охирги марта 2023 йилда ташриф буюрган, ўшанда у Сингапур эди. Бунгача жамоа 2017 йилда Гонконгда бўлган.













