"Манчестер Юнайтед" ҳимоячиси Лени Йоро Европа Лигаси 1/4 финалининг дастлабки ўйинида "Лион"га (2:2) қарши кечган дурангдан сўнг рақиб энг ёмон вазиятда - қўшиб берилган дақиқаларнинг сўнгги дақиқасида гол урганини таъкидлади.

"Бу гол учун энг ёмон вазият. 2:1 ҳисоби сафарда яхши натижа бўларди, аммо энди уйда ҳам ғалаба қозонишимиз керак. Бу ерда яхши ҳужумчига эга яхши жамоа бор ва биз ҳамма нарсага тайёр бўлишимиз керак.

Менинг голим? Ҳатто ўйлаб ҳам кўрмадим. Шунчаки реакция қилиб, у ерда бошимни қўйишга ҳаракат қилдим. Биз муваффақиятли ва ихчам ҳимояландик ва буни яна ўз уйимизда такрорлашимиз керак бўлади. Бошни баланд тутиш керак - биз бугун ютқазмадик ва "Олд Траффорд"да ғалаба қозонишимиз мумкин. Албатта, буни қила оламиз," - дея Йоронинг сўзларини келтиради УEФА матбуот хизмати.