"Манчестер Юнайтед" ярим ҳимоячиси Бруну Фернандеш Европа Лигаси плей-офф босқичи чорак финалидан ўрин олган "Лион"га (2:2) қарши ўйинда голли узатмани амалга ошириб, мусобақа рекордчисига айланди.
Учрашувнинг 88-дақиқасида "қизил иблислар" сардори узатмасидан сўнг Жошуа Зиркзее жамоасининг иккинчи голини урди. Энди португалиялик футболчининг ҳисобида Европа Лигаси плей-офф босқичида 12 та голли узатма бор - бу турнирнинг янги рекорди. Аввалги рекордчи Хуан Мата эди.
Шунингдек, Бруно Фернандеш Европа Лигасининг "гол+пас" тизими бўйича энг яхши ўйинчилари рейтингида ҳам етакчилик қилмоқда (42).
