"Манчестер Юнайтед"нинг собиқ ярим ҳимоячиси Пол Скоулз жамоанинг муаммолари ҳақида очиқ гапиришда давом этмоқда.

Пайшанба куни "қизил иблислар" Европа Лигаси 1/4 финалининг сафар ўйинида "Лион" билан дуранг ўйнади (2:2). Бир ҳафтадан сўнг "Олд Траффорд"да жавоб учрашуви бўлиб ўтади.

"Менимча, Аморим "Манчестер Юнайтед"нинг тараққиётига ишонмайди. Тўғрисини айтсам, унинг жамоаси ўзига ёқмайди, деб ўйлайман. Менимча, у энг яхши футбол жамоасини бошқармаётганини жуда яхши билади. У кўпроқ нарсани хоҳлаётгани аниқ. Буни унинг ўйинлар давомидаги хатти-ҳаракатларидан кўриш мумкин - у ҳар доим ҳафсаласи пир бўлгандек кўринади," - дея Скоулзнинг сўзларини келтиради BBC.