Мадриднинг "Реал" клуби ҳужумчиси Винисиус Жуниор Испания чемпионатини тарк этиши мумкин. Бразилиялик футболчига Англия Премьер-лигасининг икки гиганти қизиқиш билдирмоқда.
Todofichajes нашри хабарига кўра, "Манчестер Сити" ва "Ливерпуль" ўз сафига форвард олишни истамоқда. Аввалроқ Винисиусни Саудия Арабистони чемпионатида кўришни исташлари ҳақида ҳам хабар берилганди. Бироқ ҳужумчининг ўзи Европада қолиб, юқори савияда ўйнашни истайди.
Винисиус "қаймоқранглилар" сафида 2018 йилнинг ёзидан буён ўйнаб келмоқда. 24 ёшли форварднинг клуб билан шартномаси 2027 йилнинг июнь ойи охиригача амал қилади. Трансфермаркт портали ҳужумчининг бозор нархини 200 миллион еврога баҳоламоқда.
