Журналист Руди Галеттининг хабар беришича, "Манчестер Сити" "Милан" билан Италия клубининг бирданига икки футболчиси - Тиджани Рейндерс ва Тео Эрнандесни ўз сафига қўшиб олиш бўйича музокараларни бошлашга тайёрланмоқда.
Маълумотларга кўра, "Милан" босим остида - клуб ёзда трансферлардан пул ишлаб олиши керак, айниқса, Чемпионлар лигасига чиқа олмаса. Ҳозирда "россонерилар" А Серияда тўққизинчи ўринда бормоқда ва EЧЛ зонасидан 9 очко ортда қолмоқда.
"Милан" Рейндерсни тахминан 70 миллион еврога, Эрнандесни эса 30 миллион еврога баҳоламоқда. Рейндерс яқинда 2030 йилгача мўлжалланган шартномани имзолади, шунинг учун "Милан" музокаралар учун кучли позицияда. Бироқ Эрнандеснинг келишуви 2026 йилгача амал қилади ва маълумотларга кўра, у келишувни узайтириш ниятида эмас. Шу боис, италияликлар кейинчалик футболчисини арзонроққа йўқотмаслик учун уни сотишига тўғри келади.
"Манчестер Сити" яқин ҳафталар ичида "Милан" билан расман музокараларни бошлаши кутилмоқда.
