Ўтган дам олиш кунлари бўлиб ўтган Манчестер дербиси бир нечта воқеаларга бой бўлди. "Юнайтед" мухлислари Фил Фоденнинг онасини ҳақорат қилишди ва ҳатто рақиб мухлиси Жек Грилишнинг юзига шапалоқ урди. "Манчестер Сити" бош мураббийи Хосеп Гвардиола ушбу эпизодлар ҳақида фикр билдирди.
"Бу ҳамма жойда содир бўлмоқда, дунё ақлдан озган. Бу шунчаки спорт муаммоси эмас. Гап "Манчестер Юнайтед" ёки бирон бир клуб ҳақида эмас. Ҳамма жойда бу нарса содир бўлади. Атрофга қаранг ва тушунасиз. Менимча, биз нотўғри йўлдан кетяпмиз", - деди Гвардиола журналистларга.
“Манчестер Юнайтед” ва “Манчестер Сити” ўртасида 0:0 ҳисобидаги дуранг қайд этилди.
