"Аталанта" ҳужумчиси Адемола Лукман 2025 йилнинг ёзида жамоани тарк этади, деб хабар беради Calciomercato.com.
27 ёшли нигериялик ўтган ёзда кетмоқчи бўлган, бироқ хўжайинлар уни қолишга кўндирган.
Футболчи ва клуб ўртасидаги муносабатларнинг ҳал қилувчи нуқтаси ўз уйида "Брюгге"дан учралган мағлубият бўлди, ўшанда Лукман пенальтини аниқ амалга ошира олмади, бош мураббий Жан Пьеро Гасперини эса футболчини омма олдида танқид қилди.
Ҳозирда "Ювентус" Адемоланинг атрофидагилар билан илк алоқаларни бошлади, аммо "Аталанта" 60 млн евродан кам бўлган таклифларни кўриб чиқишга тайёр эмас. Лукманга "Юве"дан ташқари Англиянинг баъзи клублари ва "Наполи" ҳам қизиқиш билдирмоқда.
Бу мавсумда Лукман клуб миқёсида 34 та ўйинда 18 та гол урди ва 7 та голли узатмани амалга оширди.
