Эртага, Ўзбекистон U-17 терма жамоаси Осиё кубоги чорак финал босқичи доирасида Бирлашган Араб Амирликларига қарши баҳс олиб боради. Бугун ўйин олдидан жамоалар расмийлари иштирокида учрашув бўлиб ўтди. Унда ОФК томонидан иштирокчиларга бир қатор йўналишларда, хусусан, регламент, ҳакамлик, тиббиёт, медиа ва маркетинг масалалари бўйича тушунтириш ва эслатмалар бериб ўтилди. Шунингдек, мусобақанинг плей-офф босқичи доирасидаги учрашувларнинг барчасида VAR тизимидан фойдаланилиши маълум қилинди.
Мазкур ўйинда футболчиларимиз тўлиқ оқ либосда, дарвозабонимиз эса яшил либосда ҳаракат қилади.
Эслатиб ўтамиз, учрашув 13 апрель куни Тошкент вақти билан соат 22:15да Тоиф шаҳридаги "Қирол Фаҳд" стадионида старт олади.
