Кевин де Брюйне сўнгги ойларни "Манчестер Сити" футболчиси сифатида ўтказмоқда.
Шанба куни бельгиялик футболчи "шаҳарликлар"га Премьер-лига ўйинида "Кристал Пэлас"ни мағлуб этишга ёрдам берди (5:2), гол ва ассистни ўз ҳисобига ёздириб қўйди.
"Эҳтимол, Кевин уддалаган ишни бошқа ҳеч ким ва ҳеч қачон бу даражада қила олмас, - дейди Илкай Гюндоган. - Биз буни қадрлашимиз ва ҳеч ким келиб, унинг ўрнини боса олмаслигини тушунишимиз керак. Кевин нафақат бизга ва мухлисларимизга, балки рақибларимизга ҳам етишмайди. Унга ва унинг оиласига келажакда энг яхши тилакларни билдиришдан бошқа илож йўқ," - деди германиялик хавбек ўйиндан кейин ОАВ билан суҳбатда.
