"Монако" вингери Магнес Аклиушга Европа грандлари қизиқиш билдирмоқда. 23 ёшли футболчининг муваффақиятини "ПСЖ" ва "Манчестер Сити" вакиллари диққат билан кузатиб бормоқда, деб хабар беради L'Equipe нашри. Ҳар икки клуб келаси ёзда франциялик футболчини сотиб олиш имкониятини кўриб чиқмоқда.

Магнес Аклиуш жорий мавсумда "Монако" сафида барча мусобақаларда 38 та ўйинда майдонга тушиб, 6 та гол урди ва 10 та голли узатмани амалга оширди. Футболчининг "монегасклар" билан амалдаги меҳнат шартномаси 2028 йилнинг ўрталарига қадар ҳисобланган ва унинг трансфер қиймати, Transfermarkt экспертларининг фикрича, 40 миллион еврони ташкил қилади.