Малайзиянинг Куала-Лумпур шаҳрида Марказий Осиё футбол ассоциациясининг 10-юбилей Конгресси бўлиб ўтди. Унда CAFA га аъзо ассоциациялар вакиллари, шунингдек CAFA Ижроия қўмитаси аъзолари иштирок этди. Ўзбекистон футбол ассоциацияси биринчи вице-президенти, CAFA Ҳакамлар қўмитаси раиси Равшан Ирматов ҳам анжуманда қатнашди.
Конгрессда минтақавий ҳамкорлик янги босқичга чиққани эътироф этилиб, CAFA доирасидаги мусобақаларни янада тизимли ва мунтазам ўтказиш зарурлиги қайд этилди.
Яна бир муҳим йўналиш — ҳакамликни ривожлантириш, замонавий технологиялар, амалиётга жорий этиш бўйича келгусидаги режалар муҳокама қилинди. CAFA ташаббуси билан ФИФА ва ОФК дастурлари асосида ўқув семинарлари, онлайн курслар ва назарий-амалий машғулотларни давом эттириш режалаштирилди.
Йиғилиш давомида CAFA нинг сўнгги йиллардаги фаолияти сарҳисоб қилиниб, бир қатор муҳим масалалар кўриб чиқилди ва тасдиқланди. Шунингдек, аъзо ассоциацияларнинг таклифлари ўрганиб чиқилди.
