Саудия Арабистони Про-лигасининг 27-туридан ўрин олган "Ар-Риёд"га қарши ўйинда (2:1) иккита гол урган 40 ёшли "Ан-Наср" ҳужумчиси Криштиану Роналду турнир тўпурарлари рўйхатида пешқадамликни мустаҳкамлади. Португалиялик форвард 26 учрашувда 23 та гол урди.
Саудия Арабистони чемпионати тўпурарлари рўйхатида "Аш-Шабаб" ҳужумчиси Абдерраззак Ҳамдаллоҳ 14 ўйинда 19 та гол урган ҳолда иккинчи ўринни эгаллаб турибди. Кучли учликни "Ал-Иттиҳод" ҳужумчиси Карим Бензема 15 учрашувда 17 та гол билан якунлаб турибди.
Умуман олганда, Роналду жорий мавсумда барча турнирларда 35 та ўйин ўтказиб, 32 та гол урди ва 4 та голли узатмани амалга оширди. Футболчининг клуб билан амалдаги меҳнат шартномаси 2025 йилнинг ёзига қадар мўлжалланган.
