Англия чемпионатида АПЛ 32-туридан ўрин олган сўнгги ўйин бўлиб ўтди, унда "Борнмут" "Фулхэм"ни минимал ҳисобда мағлуб этишга муваффақ бўлди - 1:0. Учрашув ҳақида "Борнмут" устози, испаниялик мутахассис Андони Ираола ўз фикрларини билдириб ўтди.
"Бу муҳим ғалаба эди, у бизга керак эди. Биз қандай ўйнаганимиздан мамнунман, айниқса ҳимояда. Айниқса, "Фулхэм"дек жамоага қарши ўйинда гол ўтказиб юбормаслик муҳим эди. Биз буни уддаладик, ўз имкониятларимизни яратдик ва ўз голимизни урдик," - дея Ираоланинг сўзларини келтиради BBC Sport.
