"Бавария" вингери Кингсли Коман яқинлашиб келаётган трансферлар даврида сотиб юборилиши мумкин.
Мюнхен клуби ёзда француз билан хайрлашишга тайёр. Футболчи билан аллақачон Лондоннинг "Арсенал" клуби вакиллари боғланган, Саудия Арабистони чемпионатининг тўрт нафар вакили ҳам қизиқиш билдирмоқда, деб ёзади Sky Sport. "Бавария" 28 ёшли футболчи Англияга йўл олса, сотувдан 35-40 млн евро ишлаб олмоқчи. Саудия клубларидан бири билан келишув 50 млн евродан кўпроқ фойда келтириши мумкин.
Манбанинг таъкидлашича, Коман "Арсенал"га ўтган тақдирда йилига 16-17 млн евро атрофида маош олади, Саудия Арабистонида эса унга йилига 25 млн евро атрофида маблағ таклиф қилишлари мумкин.
