"Bavariya" vingeri Kingsli Koman yaqinlashib kelayotgan transferlar davrida sotib yuborilishi mumkin.
Myunxen klubi yozda fransuz bilan xayrlashishga tayyor. Futbolchi bilan allaqachon Londonning "Arsenal" klubi vakillari bog‘langan, Saudiya Arabistoni chempionatining to‘rt nafar vakili ham qiziqish bildirmoqda, deb yozadi Sky Sport. "Bavariya" 28 yoshli futbolchi Angliyaga yo‘l olsa, sotuvdan 35-40 mln yevro ishlab olmoqchi. Saudiya klublaridan biri bilan kelishuv 50 mln yevrodan ko‘proq foyda keltirishi mumkin.
Manbaning ta’kidlashicha, Koman "Arsenal"ga o‘tgan taqdirda yiliga 16-17 mln yevro atrofida maosh oladi, Saudiya Arabistonida esa unga yiliga 25 mln yevro atrofida mablag‘ taklif qilishlari mumkin.
