Мадриднинг "Реал" клуби узоқ муддатга амалдаги биринчи рақамли Тибо Куртуанинг ўрнини эгаллайдиган дарвозабонни танлашга қарор қилди.
Испания матбуоти "Лос Бланкос" "Эспаньол"да ўйнаётган 23 ёшли Хоан Гарсиянинг трансфери устида ишламоқда.
Мадрид клуби раҳбарияти ҳозирда бельгиялик дарвозабоннинг ишидан тўлиқ қониқиш ҳосил қилмоқда, аммо кейинчалик "Реал"да биринчи рақамли бўладиган истиқболли посбон топишга қарор қилинди.
"Эспаньол"нинг собиқ спорт директори Роберто Эрнандо клублар ўртасидаги музокараларни тасдиқлади. "Реал Мадрид" Гарсиянинг трансферини яқинлашиб келаётган трансфер ойнасида якунлайди, аммо Хоан мунтазам ўйин амалиётини олишда давом этиши учун уни ҳозирги жамоасида бир йилга ижарада қолади.
Жорий мавсумда 23 ёшли испаниялик барча турнирларда 30 та ўйин ўтказиб, 40 та гол ўтказиб юборган. Гарсия олтита ўйинда дарвозаси дахлсизлигини сақлаб қолди. Дарвозабоннинг тахминий баҳоси 20 миллион еврога баҳоланмоқда.
