Мадриднинг "Реал" клуби ҳужумчиси Винисиус Жуниор ҳамон Саудия Арабистони чемпионати клублари қизиқишлари доирасида бўлиб турибди. Бу ҳақда инсайдер Бен Жейкобс ижтимоий тармоқлар орқали хабар бермоқда.
Бразилиялик футболчи Мадридда қолишни исташига қарамай, Саудия клубларидан бири ҳужумчига қизиқишни тўхтатмаяпти. Гап "Ал-Аҳли" ҳақида кетмоқда.
Эслатиб ўтамиз, Винисиуснинг "қироллик клуби" билан амалдаги меҳнат шартномаси 2027 йилнинг ярмигача мўлжалланган. Жорий мавсумда юлдуз ҳужумчи "Реал" сафида 44 та баҳсда иштирок этиб, 19 та гол ва 11 та ассистни ўз ҳисобига ёздириб қўйди.
