"Астон Вилла" сардори Жон Макгинн "ПСЖ"ни ўзи кўрган энг яхши жамоа деб атади.
Бирмингем клуби Чемпионлар лигаси чорак финалининг жавоб ўйинида парижликларни мағлуб этди (3:2), аммо умумий ҳисобда мағлуб бўлди.
"Ҳафсаламиз пир бўлди, лекин мен жамоамиз, шерикларим билан фахрланаман. Биз узоқ йўлни босиб ўтдик ва бугун мақсадимизга жуда яқин келгандик. Ўйинни қўшимча бўлимга олиб чиқиш учун имкониятларимиз бор эди. Бироқ бироз омад етишмади.
Лекин биз дунёнинг энг яхши жамоаларидан бирига қарши ўйинни бошқа томонга буриб, охиригача курашганимиздан фахрланишимиз керак. Биз кўпроқ нарсани хоҳлаймиз. Биз босқичда келаси мавсумда ҳам ўйнашни истаймиз ва бунинг амалга ошиши учун ҳамма нарсани қиламиз.
Биз ҳеч қачон таслим бўлмаймиз. Биз боримизни бердик. Ўйлайманки, ҳар бир "Астон Вилла" мухлиси бугун стадионни жамоа билан фахрланиб тарк этди", деди Жон Макгинн.
