Журналист Даниэле Лонгонинг ёзишича, "Рома" ва "Наполи" клублари "Удинезе" ҳужумчиси Лоренсо Лукканинг трансферига жиддий қизиқиш билдирмоқда.
Ҳар икки клуб ҳам ҳужумчилар изламоқда. "Рома" Артем Довбикка муносиб ўринбосар топмоқчи, "Наполи" эса Чемпионлар лигасига қайтиш олдидан ҳужумни кучайтириш ниятида. Иккала клуб ҳам футболчининг вакиллари билан боғланишган ва вазият ҳақида батафсил маълумот олиш учун унинг агенти Беппе Рисо билан гаплашган.
Лука бу ёзда "Рома"нинг трансфер мақсадлари рўйхатида биринчи ўринда туради. "Наполи" учун "Удинезе" талаб қилаётган 30 миллион еврога футболчини сотиб олиш муаммо туғдирмайди.
Жорий мавсумда 24 ёшли италиялик “Удинезе” сафида барча турнирлар доирасидаги 34 та ўйинда 12 та гол ва 2 та голли узатмага муаллифлик қилган.
