Tuttosport нашри хабарига кўра, "Бавария" ўз академиясининг собиқ тарбияланувчиси ва "Ювентус"нинг ҳозирги юлдузи Кенан Йилдизни ўз сафига қайтаришдан манфаатдор.
Мюнхенликлар ёш иқтидорни Туриндаги уч йиллик фаолиятидан сўнг ортга қайтармоқчи. Туркия терма жамоаси футболчиси Регенсбургда туғилган ва 2022 йилда шартномаси тугаганидан кейин туринликлар сафига қўшилишдан олдин ўн йилни "Бавария" ёшлар тизимида ўтказган.
Ҳозирча, "Бавария" "Ювентус"га ҳам, футболчининг вакилларига ҳам бирорта расмий сўров юбормаган, аммо таъкидланишича, итальян гранди Йилдизни сотиш ниятида эмас, айниқса, клуб Чемпионлар лигасига йўлланма олса, аммо вазият ўзгариши мумкин. Футболчининг ўзи эса "Ювентус"да қолишни истамоқда.
Эслатиб ўтамиз, Йилдиз жорий мавсум "Ювентус" сафида барча мусобақаларда 44 та ўйинда 8 та гол ва 5 та голли узатмани амалга оширди.
