Харри Кейн пенальти тепиш техникаси қандай ўзгарганини айтди.

"Бавария" ҳужумчиси авваллари куч ва аниқлик учун зарба берганини, энди эса пенальтини тепишдан олдин дарвозабоннинг эрта ҳаракатини пайқашга ҳаракат қилаётганини тушунтирди.

"Ўтган йиллар давомида шундай пенальти тепган футболчилар кўп бўлди. Ўйлайманки, баъзи ўйинчилар эсимга тушди: Марио Балотелли, Неймар. Улар зарба беришдан олдин дарвозабонни кутишган. Мен олдин бундай қилмаганман, қаттиқроқ куч ва аниқликка таянганман.

Жаҳон чемпионатида Францияга қарши ўша пенальтини ноаниқ амалга оширганимдан сўнг, ўзимни фарқ қила оладигандек ҳис қилдим, айниқса бир учрашувда иккита пенальти тепганимда. Мен уни яхшилашга ҳаракат қилмоқчи эдим, хайриятки, ўшандан бери ҳаммаси яхши бўлди.

Мен ҳар доим яхшиланишнинг кичик усулларини топишга ҳаракат қиламан. Бу пенальти тепиш улардан бири. Албатта, ўшандан бери бу менга пенальтиларда ёрдам берди. Менда яхши натижалар борлиги аниқ. Мен қилаётган ишимни давом эттиришим керак" - деди Кейн.

Бугун "Бавария" Чемпионлар лигаси чорак финалининг 2-турида "Интер"га қарши ўйнайди (биринчи ўйин – 1:2).