Xarri Keyn penalti tepish texnikasi qanday o‘zgarganini aytdi.
"Bavariya" hujumchisi avvallari kuch va aniqlik uchun zarba berganini, endi esa penaltini tepishdan oldin darvozabonning erta harakatini payqashga harakat qilayotganini tushuntirdi.
"O‘tgan yillar davomida shunday penalti tepgan futbolchilar ko‘p bo‘ldi. O‘ylaymanki, ba’zi o‘yinchilar esimga tushdi: Mario Balotelli, Neymar. Ular zarba berishdan oldin darvozabonni kutishgan. Men oldin bunday qilmaganman, qattiqroq kuch va aniqlikka tayanganman.
Jahon chempionatida Fransiyaga qarshi o‘sha penaltini noaniq amalga oshirganimdan so‘ng, o‘zimni farq qila oladigandek his qildim, ayniqsa bir uchrashuvda ikkita penalti tepganimda. Men uni yaxshilashga harakat qilmoqchi edim, xayriyatki, o‘shandan beri hammasi yaxshi bo‘ldi.
Men har doim yaxshilanishning kichik usullarini topishga harakat qilaman. Bu penalti tepish ulardan biri. Albatta, o‘shandan beri bu menga penaltilarda yordam berdi. Menda yaxshi natijalar borligi aniq. Men qilayotgan ishimni davom ettirishim kerak" - dedi Keyn.
Bugun "Bavariya" Chempionlar ligasi chorak finalining 2-turida "Inter"ga qarshi o‘ynaydi (birinchi o‘yin – 1:2).
