Мана орзиқиб кутган кунлар ҳам яқинлашиб келмоқда. Узоқ танаффусдан сўнг "Бухоро" жамоаси ўз уй учрашувларини қадрдон стадионида — "Бухоро" спорт мажмуасида ўтказадиган бўлди. Узоқ кутилган учрашувга фан-клуб аъзолари ҳам ўзгача руҳда тайёргарлик кўриш ниятидалар.

Шу муносабат билан фан-клуб аъзолари йиғилиш ўтказишади. Йигилиш 14 июнь, жума куни, соат 18:00да "Бухоро" жамоасининг базаси жойлашган "Умид" (Строитель) ўйингоҳида бўлиб ўтади.

Ушбу йиғилишда жамоамиз раҳбарияти ҳам қатнашади. Ушбу йиғилишда фан-клуб муаммолари муҳокама қилинади. Камчиликлар бартараф этилиш йўллари ўйлаб чиқилади. Бу сафар жамоамиз раҳбарияти фан-клубга шарт-шароитларни яратиб беришни мақсад қилишган. Фан-клуб аъзоларига сафар ўйинлари учун бепул автобус, стадиондан кабинет, атрибутикалар ва яна кўп қулайликлар яратилиши режалаштирилган. Бундан ташқари, фан-клубга стадионда алоҳида сектор топширилади.

Бундан олдин ҳам фан-клуб бир неча маротаба янгиланганди, лекин барчаси узоққа чўзилмаган ҳолатларни кўрдик. Бу сафарги фан-клуб доимий тарзда фаолият олиб боришининг тарафдоримиз. Бунинг учун  фан-клуб аъзолари ака-укадай бўлишлари керак. Бундан ташқари, мухлислар жамоа символикаси туширилган атрибутикаларни асраб-авайласагина фан-клуб юқори марраларни забт эта олишга қодир булади.

P/S: Бейжиклари бор фан-клуб аъзолари бейжикларини олиб келишлари сўралади!

Барча фан-клуб аъзолари ҳамда фан-клубга аъзо бўлмоқчи мухлисларни 14 июнь, жума куни соат 18:00 да "Умид" (Строитель) ўйингоҳида кутиб қоламиз.