Украиналик дарвозабон Андрей Лунин жорий мавсум якунлангандан сўнг “Реал”ни тарк этиши мумкин. Шу муносабат билан "қироллик" клуби янги дарвозабон қидирмоқда. "Лос Бланкос"нинг қисқа рўйхатида бир нечта номзод бор.

Мадридликлар Майк Меньян (“Милан”), Жоан Гарсия (“Жирона”) ва Люк Шевалье (“Лилль”) номзодларини кўриб чиқмоқда. 26 ёшли Лунин Мадрид грандида белгиялик Тибо Куртуанинг ўринбосари ҳисобланади.

Украиналик дарвозабоннинг "Реал" билан шартномаси 2030 йилнинг ёзига қадар мўлжалланган. Transfermarkt портали Андрейнинг нархини 20 миллион еврога баҳолаган.