Виржил ван Дейк бошқа клублар билан музокара ўтказмаган.
33 ёшли ҳимоячи "Ливерпуль" билан шартномасини узайтирди. Клуб янги келишув муддатига аниқлик киритмаяпти.
Журналист Бен Жейкобснинг ёзишича, Ван Дейк ҳеч қачон бошқа клублар билан мулоқот қилмаган. Муҳаммад Салоҳнинг маоши ўз ўрнида қолгани каби нидерландияликнинг маоши ҳам қисқартирилмади.
Нидерландиялик футболчи "қизиллар" сафида 2018 йилдан буён тўп тепиб келмоқда ва шу вақт ичида 8 та чемпионлик, жумладан, АПЛ ва Чемпионлар лигасида зафар қучган. Мерсисайд клубига у "Саутгемптон"дан ўтган.
