"Барселона" суперюлдузи Ламин Ямал терма жамоалар миқёсида Марокаш шарафини ҳимоя қилиши мумкин эди. "Атлас шерлари"ни 2022 йилги жаҳон чемпионати ярим финалига олиб чиққан Марокаш терма жамоаси устози Валид Реграги Ямални Марокаш байроғи остида ўтишга кўндирмоқчи бўлганини айтди.
"Барча марокашликлар буни орзу қилишди ва мен ҳаракат қилдим. Биз у билан боғландик, бу ишни муҳокама қилдик. Аммо у ўзини испан деб ҳис қилаётганини айтди ва бизнинг таклифимизни рад этди," - дея мутахассиснинг сўзларини келтиради El Chiringuito.
Испания терма жамоаси таркибида Ямал 2024 йилда Европа чемпиони бўлди.
