"Barselona" superyulduzi Lamin Yamal terma jamoalar miqyosida Marokash sharafini himoya qilishi mumkin edi. "Atlas sherlari"ni 2022 yilgi jahon chempionati yarim finaliga olib chiqqan Marokash terma jamoasi ustozi Valid Regragi Yamalni Marokash bayrog‘i ostida o‘tishga ko‘ndirmoqchi bo‘lganini aytdi.
"Barcha marokashliklar buni orzu qilishdi va men harakat qildim. Biz u bilan bog‘landik, bu ishni muhokama qildik. Ammo u o‘zini ispan deb his qilayotganini aytdi va bizning taklifimizni rad etdi," - deya mutaxassisning so‘zlarini keltiradi El Chiringuito.
Ispaniya terma jamoasi tarkibida Yamal 2024 yilda Yevropa chempioni bo‘ldi.
