"Рома" бош мураббийи Клаудио Раньери жамоа машғулотларида ҳужумчи Артём Довбик ва ярим ҳимоячи Стефан Эль-Шааравининг йўқлиги ҳақида фикр билдирди.
"Довбик ва Эль-Шаарави бугун алоҳида машғулот ўтказди. Улар яхши, шунинг учун мен бугун кечқурун ёки эртага эрталаб қарор қабул қиламан," - деди Раньери.
Аввалроқ, 27 ёшли украиналик спорт залида машғулот ўтказаётгани хабар қилинганди.
"Рома" навбатдаги ўйинини 19 апрель куни А Серия доирасида ўз майдонида "Верона"га қарши ўтказади.
Бу мавсумда Артём 41 та ўйинда майдонга тушиб, 16 та гол урди ва 3 та голли узатмани амалга оширди.
