"Барселона" Ла Лигадан 2025/26 йилги футбол мавсумини бир қатор сафар ўйинлари билан бошлашни сўрашни кўриб чиқмоқда.
Бунга сабаб клубнинг “Камп Ноу” стадионидаги реконструкция ишлари ўз вақтида якунланмаслиги мумкинлигидан хавотирда.
"Барселона" раҳбарияти уй стадионини таъмирлаш лойиҳасининг мумкин бўлган кечикишидан хавотирда. Клуб мухлисларга ноқулайлик туғдирмаслик ва “Камп Ноу” жамоанинг қайтишига тўлиқ тайёр бўлишини таъминлаш мақсадида янги мавсумнинг илк ўйинлари сафарда ўтказилиши керак бўлган ҳолатни истисно этмаяпти.













