"Торино" клуби ҳужумчи Дуван Сапата билан янги шартнома имзолаганини эълон қилди.
Янги ҳамкорлик шартномаси 2027 йилнинг ёзига қадар мўлжалланган.
Сапата бу мавсумда 9 та ўйинда 4 та гол урди. У тиззасининг хочсимон боғлами жароҳати туфайли октябрь ойидан бери майдонга тушмаяпти.
"Торино" 34 ёшли колумбиялик футболчини ўтган ёзда "Аталанта"дан ижара мавсумидан кейин 8,6 миллион еврога сотиб олиш имкониятидан фойдаланиб, ўз сафига қўшиб олган эди.













