Давид Нерес жароҳати сабаб А Сериянинг 33-туридан ўрин олган "Наполи"нинг "Монца"га қарши ўйинини ўтказиб юборади.
Вингер жума кунги машғулотни мушак жароҳати туфайли эрта тарк этди. Кейинчалик маълум бўлишича, у камида битта ўйинга сафдан чиққан.
Нерес аввалроқ чап сон жароҳати туфайли бир ярим ойни ўтказиб юборганди. Март ойи охирида таркибга қайтгач, А Серияда 3 та ўйин ўтказишга муваффақ бўлди.
Жорий мавсумда бразилиялик футболчи клуб сафида Италия чемпионатида 25 та ўйин ўтказиб, 2 та гол урди ва 4 та голли узатмани амалга оширди.
