Роберт Левандовски Испания кубоги финалини ўтказиб юбориши мумкин.

«Барселона» ҳужумчиси Ла Лига 32-туридан ўрин олган «Сельта»га (4:3) қарши ўйинда сонининг орқа қисмидан жароҳат олди.

AS нашрининг ёзишича, клубдагилар пессимистик кайфиятда бўлиб, сон орқа мушакларининг ёрилиши эҳтимоли ҳақида гапиришмоқда. Агар ушбу ташхис тасдиқланса, польшалик футболчининг Испания кубоги финалида «Реал»га қарши ўйинда иштирок этиши истисно қилинади. Тикланишнинг минимал муддати 3 ҳафтани ташкил этади.

Бундай ҳолатда Левандовскининг Чемпионлар Лигаси ярим финалидан ўрин олган «Интер»га қарши ўйинларда майдонга тушиши ҳам даргумон.

«Барселона» Испания Кубогида 26 апрель куни «Реал» билан ўйнайди. 30 апрель ва 6 май кунлари каталонияликлар «Интер» билан учрашув ўтказади.