"Манчестер Сити" ёзги трансферлар даврида янги дарвозабон сотиб олиши мумкин.
Эдерсоннинг шартномаси келаси йили якунланади ва бразилияликнинг клубдаги келажаги сўроқ остида қолмоқда. Журналист Саймон Маллокнинг маълум қилишича, "шаҳарликлар" аввалроқ қизиқиш билдирилгани айтилган "Порту" дарвозабони Диогу Кошта билан шартнома имзолаш бўйича иш бошлашга тайёр. Португалиялик футболчи Эдерсонга идеал ўринбосар ҳисобланади. "Манчестер Сити"дагиларнинг фикрича, келишувни амалга ошириш учун 50 млн фунт стерлинг (58 млн евродан ортиқ) етарли бўлиши керак.
Transfermarkt портали 25 ёшли Коштанинг нархини 38 млн еврога баҳоламоқда. Дарвозабоннинг "аждарлар" билан шартномаси 2027 йилгача мўлжалланган.
